Pleyeri seçin:
Türkiyə DÇ-yə vəsiqə qazanarsa bu komandalara rəqib olacaq - Baku TV
2026-cı ildə keçiriləcək futbol üzrə dünya çempionatının püşkü atılıb.
Püşkatma mərasimi ABŞ-nin paytaxtı Vaşinqtonda baş tutub. 12 qrupda yer alacaq komandalar bəlli olub.
Püşkatmanın nəticəsinə uyğun olaraq, son dünya çempionu Argentina millisi Avstriya, Əlcəzair və İordaniya yığma komandaları ilə birgə J qrupunda mübarizə aparacaq. Son Avropa çempionu İspaniya yığma komandası isə Uruqvay, Səudiyyə Ərəbistanı və Kabo Verde milliləri ilə birgə H qrupunda yarışacaq.
C qrupunda Braziliya, Mərakeş, Şotlandiya, Haiti, E qrupunda isə Almaniya, Ekvador, Fildişi Sahili və Kurasao milliləri, L qrupunda İngiltərə, Xorvatiya, Panama və Qana pley-offa vəsiqə uğrunda mübarizə aparacaq.
Türkiyə millisi mundiala vəsiqə qazanacağı halda ABŞ, Avstraliya, Paraqvay yığma komandaları ilə birgə D qrupunda gücünü sınamalı olacaq.
Qeyd edək ki, DÇ-2026 iyunun 11-dən iyulun 19-na qədər ABŞ, Kanada və Meksikada reallaşacaq.
Kopyalandı
Seçilmişlər
