İdman
Pleyeri seçin:
Türkiyənin nəhəng klubları Toral Bayramovu istəyir
“Qarabağ”ın əsas heyət oyunçularından Toral Bayramov Türkiyə nəhənginin diqqət mərkəzinə düşüb.
23 yaşlı futbolçu ilə “Beşiktaş” klubu yaxından maraqlanır. Son məlumatlara görə, “qara qartallar” Toralın keçidi ilə əlaqədar tezliklə “köhlən atlar”la danışıqlara başlayacaq.
T.Bayramov Türkiyənin daha bir top komandası “Qalatasaray”ın da transfer gündəmindədir. İddia olunur ki, “cimbom” da azərbaycanlı oyunçunun çıxışını diqqətlə izləyir.
Qeyd edək ki, müqaviləsi 2026-cı ilə qədər olan Toral Bayramov 2020-ci ildən “Qarabağ”ın əsas heyətindədir. “Köhlən atlar”ın forması ilə 180 qarşılaşmada 28 qol və 35 məhsuldar ötürmə müəllifi olan Toral 4 dəfə Premyer liqanın qalibi olub. Bundan başqa, o, 2 dəfə ölkə kubokunu başı üzərinə qaldırıb. Azərbaycan millisinin də vacib üzvlərindən olan T.Bayramov yığmada 29 matçda 4 qolla yadda qalıb.
Kopyalandı
