Pleyeri seçin:
UEFA Avropa Liqasında qalibin adına aydınlıq gəlib
UEFA Avropa liqasında 2023/2024-cü illər mövsümünün qalibi müəyyənləşib.
İrlandiyanın paytaxtı Dublindəki “Aviva Stedium”da keçirilən matçda “Atalanta” və “Bayer Leverkuzen” qarşılaşıb.
Oyuna sürətli hücumlarla başlayan İtaliya təmsilçisi 12-ci dəqiqədə hesabı açıb. Ademola Lukman komandasını sevindirib. Bundan sonra təzyiqi azaltmayan Berqamo kollektivi 26-cı dəqiqədə fərqi 2-yə yüksəldib. A.Lukman dubl edib. İlk hissə “Atalanta”nın 2-0 hesablı üstünlüyü ilə başa çatıb.
Fasilədən sonra “Bayer” dönüş etməyə çalışsa da, leverkuzenlilərin səyləri nəticəsiz qalıb. Əvəzində 75-ci dəqiqədə A.Lukman het-trikini rəsmiləşdirib. Qarşılaşma “Atalanta”nın 3-0 hesablı qələbəsi ilə yekunlaşıb.
Bu möhtəşəm nəticədən sonra Avropa liqasında qalib gələn “Atalanta” tarixində ilk dəfə Avrokubok mükafatının sahibi olub. Geridə qalan mövsümdə Almaniya çempionu olan “Bayer” isə 51 matçdan sonra meydanı məğlub tərk edib.
Kopyalandı
#UEFA Avropa liqası teqi istifadə olunub
- İstanbul klubu "Aston Villa" ilə bacara bilmədi - Baku TV
- "Samsunspor" UEFA Konfrans Liqasında ilk məğlubiyyətini aldı
- “Roma” klubu ardıcıl 3-cü ev oyununda da məğlub oldu
- “Fənərbağça” Avropa Liqasında “Ştutqart”ı minimal hesabla məğlub etdi
- "Roma" Fransada "Nitsa" komandasını I turun matçında məğlub etməklə ən çox qələbə qazanan klub oldu
