UEFA Çempionlar Liqası: 1/8 finalın ilk oyunları yekunlaşdı

UEFA Çempionlar liqasında 1/8 finalın ilk oyunlarına yekun vurulub.

Mərhələnin maraqla gözlənilən matçlarından biri PSJ və “Liverpul” arasında olub.

Parisdəki “Park de Prens” arenasında keçirilən görüş Harvi Elliotun qolu sayəsində mersisaydlıların qələbəsi ilə bitib.

“Bavariya” və “Bayer” arasında Münxendə təşkil olunan ilk qarşılaşma “rekordmayster”in 3-0 hesablı qalibiyyəti ilə əlamətdar olub. Meydan sahiblərinin heyətində Harri Keyn dubla imza atıb. Daha bir epizodda Camal Musiala qapını dəqiq nişan alıb.

Portuqaliyada “Benfika”nın qonağı olan “Barselona” əzmkar qələbəyə sevinib. 22-ci dəqiqədə Pau Kubarsinin birbaşa qırmızı vərəqə almasına baxmayaraq, “blauqrana” ruhdan düşməyib. 1 saatın tamamında Rafinyanın qolu yekunda komandasına qalibiyyət gətirib.

Niderlandda “Feyenoord”la qarşılaşan “İnter” də azarkeşlərini sevindirib. 2-0 hesabı ilə bitən matçda “neradzurri”nin heyətində Markus Türam və Lautaro Martinez fərqləniblər. Daha bir epizodda isə Pyotr Zelinki penaltini dəqiq yerinə yetirməyib.

Qeyd edək ki, 1/8 final mərhələsinin cavab matçları martın 11-i və 12-də təşkil olunacaq.