UEFA “Qarabağ”ın oyunu ilə bağlı qərar verdi

“Qarabağ” komandasının Avropa Liqasında növbəti görüşünün hakimləri açıqlanıb.

Norveçin “Budyo Qlimt” klubuna qarşı keçirələcək Liqa mərhələsinin 4-cü tur matçını portuqaliyalı referi Luiş Qodinyu idarə edəcək.

Noyabrın 7-si Budyo şəhərindəki “Asmpüra Stedium”da təşkil olunacaq oyunun start fiti Bakı vaxtı ilə saat 21:45-də veriləcək. “Köhlən atlar” bu qarşılaşmada vərəqə cəzalısı olan Elvin Cəfərquliyev və Julio Romaonun köməyindən istifadə edə bilməyəcək.

Qeyd edək ki, “Qarabağ” daha əvvəl Liqa mərhələsi çərçivəsində “Tottenhem”, “Malmö” və “Ayaks” klubları ilə üz-üzə gəlib. “Mahmızlar”a və amsterdamlılara 0-3 hesabı ilə uduzan Ağdam təmsilçisi “Malmö”yə 1-2 hesabı ilə məğlub olub.

“Budyo Qlimt”lə görüşdən sonra isə Azərbaycan çempionu Yunanıstanın “Olimpiakos”, Fransanın “Lion”, İsveçin “Elfsborq” və Rumıniyanın FCSB klubları ilə mübarizə aparacaq.