Ulu Öndər Heydər Əliyevin 100 illiyinə həsr olunan dama turniri keçirilib

15 dekabr 2023 184 baxış

Bakıda Ulu Öndər Heydər Əliyevin anadan olmasının 100-cü ildönümünə həsr olunan daha bir turnirə start verilib.

100 xanalı dama üzrə təşkil olunan yarışda Rusiya, Gürcüstan, Özbəkistan, Belarus və digər ölkələrdən 30-dək beynəlxalq dərəcəli dama ustası mübarizə aparır.

İsveçrə sistemi üzrə keçirilən və həm kişi, həm də qadınların qüvvəsini sınadığı turnirin açılış mərasimində əvvəlcə Azərbaycan Respublikasının dövlət himni səsləndirilib. Daha sonra tədbirdə çıxış edənlər bu cür yarışların gənc nəslin idmana və sağlam həyat tərzinə cəlb olunmasında, onların asudə vaxtının səmərəli təşkil edilməsində vacib olduğunu bildiriblər.

Qeyd edək ki, 100 xanalı dama üzrə bu cür beynəlxalq turnirlərin ənənəvi olaraq hər il təşkil edilməsi planlaşdırılır.

Əlavə edək ki, 3 gün davam edəcək budəfəki yarışa dekabrın 17-si yekun vurulacaq. Turnirin qaliblərinə isə mükafatlar təqdim olunacaq.

#Dama turniri