Ulu Öndər Heydər Əliyevin xatirəsinə minifutbol

Azərbaycan Minifutbol Federasiyasının təşkilatçılığı ilə keçirilən turnirin açılış mərasimində gənclər və idman naziri Fərid Qayıbov, Minifutbol Federasiyasının fəxri prezidenti Orxan Məmmədov, Dünya Minifutbol Federasiyasının prezidenti Filip Juda, idman ictimaiyyətinin nümayəndələri, habelə Türkiyə, Ukrayna, Çexiya və digər ölkələrin səfirləri iştirak ediblər.

Tədbirdə çıxış edənlər ölkəmizdə idman siyasətinin əsasının ulu öndər Heydər Əliyev tərəfindən qoyulduğunu və keçirilən beynəlxalq idman tədbirlərinin sayının ildən-ilə artdığını qeyd ediblər.

Bildirilib ki, Prezident İlham Əliyevin idmana və idmançılara böyük diqqət və qayğısı beynəlxalq yarışlarda yeni qələbələr qazanmağımıza zəmin yaradır. Daha sonra tədbir bədii hissə ilə davam edib.

Bədii proqram başa çatdıqdan sonra A qrupu çərçivəsində Azərbaycan və Çexiya yığmaları arasında matça start verilib. Gərgin mübarizə ilə əlamətdar olan görüş qolsuz bərabərliklə başa çatıb.

Qeyd edək ki, A qrupunda Azərbaycan və Çexiya kollektivləri ilə yanaşı, Serbiya, Gürcüstan və İtaliya komandaları da yer alıb. B qrupunda isə Cənubi Afrika Respublikası, Ukrayna, Qazaxıstan, Fransa və Türkiyə yığmaları mübarizə aparır.