İdman
Pleyeri seçin:
XXI əsrin ən yaxşı futbolçularının adına aydınlıq gəlib
XXI əsrin ən yaxşı futbolçularının siyahısı açıqlanıb.
Bununla bağlı cədvəli məşhur idman nəşri ESPN müəyyənləşdirib.
Siyahının ilk pilləsində dünya futbolunun əsas ulduzlarından, hazırda “İnter Mayami”də çıxış edən Lionel Messi qərarlaşıb. İkinci yer Səudiyyə Ərəbistanının “Əl-Nəsr” klubunun və Portuqaliya millisinin üzvü Kriştiano Ronaldoya məxsusdur. İlk üçlüyü “Arsenal” və “Barselona”nın sabiq üzvü Tyerri Anri qapayır.
Maraqlıdır ki, dünya futbolunun ulduzlarından daha biri, hazırda “Əl-Hilal”da top qovan Neymar siyahının 20-ci pilləsində yer alıb.
Qeyd edək ki, XXI əsrin ən yaxşısı seçilən Lionel Messi 2023-cü ildən “İnter Mayami”nin şərəfini qoruyur. 37 yaşlı oyunçu burada keçirdiyi 29 matçda 25 qola imza atıb. 2005-ci ildən Argentina yığmasına da çağırılan Leo 187 oyunda 109 qola imza atıb. Forvard “albiseleste” ilə Dünya Çempionatı və Amerika Kubokunda da qalib gəlib.
Kopyalandı
Seçilmişlər
