Yeniyetmə cüdoçularımız Avropa kubokunda 1-ci oldu

Yeniyetmə cüdoçularımız Xorvatiyada keçirilən Avropa Kuboku turnirində parlaq nəticəyə imza atıblar. Təmsilçilərimiz Zaqrebdə baş tutan yarışda 8 medal qazanıblar.

İdmançılarımızdan Mirxaliq İskəndərov 55, Süleyman Şükürov 73, Aslan Kotsoyev isə 81 kq çəkidə fəxri kürsünün ən yüksək pilləsinə qalxıb. 90 kq-dan yuxarı çəkidə mübarizə aparan Ramazan Əhmədov yalnız finalda uduzaraq gümüş mükafatın sahibi olub.

Daha 3 nümayəndəmiz bürünc medal əldə edib. Cüdoçularımızdan Əhməd Rüstəmov 50, Fərid Qarayev və Həsən Həsənli 55, Ümüd Qurbanov isə 60 kq çəkidə 3-cü yeri tutub.

Yekunda 3 qızıl, 1 gümüş və 4 bürünc mükafata yiyələnən idmançılarımız medal əyarına görə ümumi hesabda və oğlanlar arasında 1-ci yeri tutublar.

Qeyd edək ki, martın 11-i və 12-si keçirilən Avropa kubokunda ölkəmiz 50 nəfərdən ibarət heyətlə təmsil olunub.