Pleyeri seçin:
“Zirə” Azərbaycan kubokunun finalında “Qarabağ”a qarşı
Ölkəmizdə futbol mövsümü başa çatmaq üzrədir. Artıq Premyer liqada bütün yerlərin sahibləri müəyyənləşib.
Mövsümün son matçında isə Azərbaycan kubokunun sahibi məlum olacaq. Bu qarşılaşmada ölkə çempionu “Qarabağ” və gümüş medalların sahibi “Zirə” klubları qarşılaşacaqlar.
“Zirə”nin baş məşqçisi Rəşad Sadıqov “Qarabağ”la matç öncəsi Baku TV-yə açıqlama verib.
“Qarabağ”ın bugünkü gücü heç kimə sirr deyil. Əlimizdən gələni edəcəyik ki, qələbə qazanan tərəf biz olaq. “Zirə”nin tarixində ilkə imza atmaq istəyirik”, – deyə o bildirib.
Qeyd edək ki, cari mövsümü 58 xalla 2-ci pillədə tamamlayan “Zirə” klubu tarixində 2-ci dəfə ölkəmizi Avropa liqasında təmsil edəcək. Eyni zamanda Rəşad Sadıqovun yetirmələri iyunun 2-si çempion “Qarabağ”a qarşı kubok oyununa çıxacaq. “Qartallar” qələbə qazanacaqları təqdirdə ilk dəfə ölkə kubokunun sahibi olacaqlar.
Kopyalandı
Seçilmişlər
