Azərbaycanda ən çox pul xərcləyən turistlər hansı ölkələrdən gəlirlər?

2025-ci ilin yanvar ayında Azərbaycana səfər edən əcnəbilərin və vətəndaşlığı olmayan şəxslərin sayı 172 614 nəfər təşkil edib.

Dövlət Statistika Komitəsinin məlumatına görə, Azərbaycana səfər edənlərin 65,6%-i turizm məqsədilə, 34,4%-i isə digər məqsədlərlə gəlib.

Gələn turistlər ümumilikdə 205 milyon 613,4 min manat xərcləyiblər.

Hesabat dövründə ən çox pul xərcləyən turistlər Rusiya, Hindistan, Türkiyə, Birləşmiş Ərəb Əmirlikləri, Səudiyyə Ərəbistanı, Pakistan və Küveyt vətəndaşları olub.

Rusiya vətəndaşları 48,2 milyon manat, Hindistan vətəndaşları 34,4 milyon manat, Türkiyə vətəndaşları 23,3 milyon manat, Səudiyyə Ərəbistanı vətəndaşları 12,1 milyon manat, BƏƏ vətəndaşları 11,4 milyon manat, Pakistan vətəndaşları 9 milyon manat, Küveyt vətəndaşları isə 7,8 milyon manat xərcləyiblər.