Azərbaycanda qeyri-neft sektoru üzrə ixrac artıb

“Bu ilin yanvar-aprel aylarında qeyri neft-qaz sektoru üzrə ÜDM-də 3,1 % artım qeydə alınıb”.

Bunu iqtisadiyyat nazirinin müavini Sahib Məmmədov “Heydər Əliyev və Azərbaycan sahibkarlığı” adlı yerli şirkətlərin tanıtım sərgisində çıxışı zamanı deyib.

S.Məmmədov qeyd edib ki, xarici ticarət əlaqələrində müşahidə edilən müsbət dinamika nəticəsində bu ilin yanvar-aprel ayında ixrac 6,4% artaraq 12,5 milyard ABŞ dolları təşkil edib:

“Qeyri-neft məhsullarının ixracı 21,2% artıb. Bu ilin birinci rübündə qeyri neft-qaz sahəsində investisiya qoyuluşu ötən illə müqayisədə 51,7% artıb”.