Azərbaycanda yaradılan uğurlu biznes mühiti

Azərbaycanın qeyri-neft sektoruna yatırım edən ölkələr sırasında qardaş ölkə birinci yerdə durur. Ölkəmizdə müxtəlif sahələrdə fəaliyyət göstərən 5 mindən çox Türkiyə şirkəti var.

Azərbaycan hökumətinin son vaxtlar qəbul etdiyi qərarlar ölkəmizə yatırım etmək üçün iş adamlarında marağı artırır. Xarici investorlar işğaldan azad olunan ərazilərdəki yeni imkanları da vaxtında dəyərləndirmək istəyirlər.

Türkiyə yol tikintisi, inşaat sahəsində qabaqcıl təcrübəyə sahibdir. Türkiyəli iş adamlarının bu təcrübəni ölkəmizdə tətbiq etməsi Azərbaycanın gücünə güc qatır.

Bir sözlə, Türkiyə-Azərbaycan qardaşlığı istənilən sahədə özünü yalnız və yalnız müsbət mənada əks etdirir. Həm millət, həm də dövlət qazanır!