Azərbaycanın neft və qaz hasilatı barədə məlumatlar | Nazirlik rəqəmləri açıqladı

2025-ci ilin I yarısında Azərbaycanda 13,7 milyon ton neft, 25,2 milyard kubmetr təbii qaz hasil edilib.

Energetika Nazirliyi xəbər verir ki, neft hasilatının 8 milyon tonu “Azəri-Çıraq-Günəşli”, 1,9 milyon tonu “Şahdəniz”, 0,3 milyon tonu “Abşeron” yatağının payına düşüb.

Azərbaycan Dövlət Neft Şirkəti üzrə neft hasilatı 3,5 milyon ton təşkil edib.

Bu dövrdə 11,6 milyon ton neft ixraca nəql olunub. Bunun 9,9 milyon tonu konsorsiumların, 1,4 milyon tonu SOCAR-ın, 0,3 milyon tonu isə “Abşeron” yatağının payına düşüb.

Hesabat dövründə neftin emalı 2,9 milyon ton təşkil edib.

2025-ci ilin I yarısında hasil olunan 25,2 milyard kubmetr təbii qazın 6,6 milyard kubmetri “Azəri-Çıraq-Günəşli”, 13,8 milyard kubmetri “Şahdəniz”, 0,8 milyard kubmetri “Abşeron”, 4 milyard kubmetrə yaxını isə SOCAR-ın payına düşüb.

Bu dövrdə xaricə qaz satışı 12,1 milyard kubmetr təşkil edib. Bundan 6,1 milyard kubmetr Avropaya, 4,9 milyard kubmetr Türkiyəyə, 1,1 milyard kubmetr Gürcüstana satılıb.