BANM Özbəkistana ali təhsil proqramlarının ixracını genişləndirir
Dövlət Neft Şirkətinin (SOCAR) vitse-prezidenti Ziba Mustafayeva Buxara Mühəndislik - Texnoloji İnstitutunun rektoru Sədaqət Siddikova ilə görüşüb.
Görüşdə iki ölkənin ali təhsil müəssisələri arasında ikili diplom proqramı layihələrinin reallaşdırılması istiqamətində görülən işlərdən danışılıb.
Qeyd olunub ki, proqramla bağlı qərar Azərbaycan və Özbəkistan hökumətlərarası komissiyasının Şuşada keçirilən iclasında verilib. Həmçinin SOCAR və “Uzbekneftegaz” arasında kadr hazırlığı üzrə imzalanan Anlaşma Memorandumunda bu məqam nəzərdə tutulub.
Bu əməkdaşlıqların Azərbaycan ali təhsil sistemində bir ilk olduğu və ölkəmizin ali təhsil proqramlarının xarici ölkəyə ödənişli əsasda ixracına xidmət edəcəyi diqqətə çatdırılıb.
Sənədə əsasən, tələbələr təhsilin birinci ilini Buxara Mühəndislik-Texnoloji İnstitutunda, ikinci ilini Bakı Ali Neft Məktəbində alacaqlar.
Diplom müdafiəsi isə Bakı Ali Neft Məktəbində olacaq. Yekunda onlar hər iki ali təhsil ocağının diplomunu əldə edəcəklər.
#SOCAR teqi istifadə olunub
- Azərbaycan səfirliyi bu ölkədə yüzlərlə insan üçün iftar süfrəsi açdı - Baku TV
- BP və SOCAR Özbəkistanın Üstyurt bölgəsində birgə fəaliyyət imkanlarını öyrənir - Baku TV
- Kristofoli SOCAR-la əməkdaşlığı mühüm istiqamət kimi qiymətləndirib - Baku TV
- Kot-d’İvuar ilə Azərbaycan arasında enerji sahəsi ilə bağlı mühüm müzakirələr aparıldı - Baku TV
- Pərviz Şahbazov İndoneziyanın Azərbaycandakı səfiri ilə nələri müzakirə etdi? - Baku TV
