Daşkənd şəhərində "Üstyurt" Əməliyyat Şirkətinin ofisi açıldı - Baku TV
Özbəkistanın paytaxtı Daşkənd şəhərində "Üstyurt" Əməliyyat Şirkətinin ofisi açılıb.
Bu barədə Azərbaycan Dövlət Neft Şirkətindən (SOCAR) məlumat verilib.
Bildirilib ki, açılış mərasimində "Uzbekneftegaz" Səhmdar Cəmiyyətinin İdarə Heyətinin sədri Baxodirjon Sidiqov, SOCAR-ın vitse-prezidenti Arzu Cavadova, layihə komandalarının üzvləri, eləcə də layihənin ərsəyə gəlməsinə töhfə verən dövlət qurumlarının nümayəndələri iştirak ediblər.
Çıxışlarda "Üstyurt" Əməliyyat Şirkətinin geoloji-kəşfiyyat potensialının inkişafına, bu sahədə qabaqcıl texnologiyaların tətbiqinə və regionun enerji dayanıqlığının gücləndirilməsinə əhəmiyyətli töhfə verəcəyi vurğulanıb.
Bildirilib ki, şirkətin yaradılması və ofisin açılması Azərbaycan-Özbəkistan arasında mövcud olan möhkəm dostluq və qardaşlıq münasibətlərinin nəticəsidir. İki ölkə başçısının siyasi iradəsi və ali dövlət səviyyəsində dəstək bu kimi mühüm layihələrin həyata keçirilməsi və onların uğurlu icrasına zəmin yaradır.
Qeyd edək ki, "Üstyurt" investisiya bloklarının kəşfiyyatı, işlənməsi və hasilatı üzrə Pay Bölgüsü Sazişi Azərbaycan-Özbəkistan enerji əməkdaşlığı strategiyasının həyata keçirilməsində mühüm mərhələ hesab olunur.
Operator şirkətin ofisinin istifadəyə verilməsi layihənin aktiv əməliyyat mərhələsinə keçdiyini göstərir. Qısa müddət ərzində zəruri hazırlıq işləri yerinə yetirilib: operator qeydiyyatdan keçirilib, vacib lisenziyalar əldə olunub və geoloji-kəşfiyyat işlərinin başlanmasına dair prosedurlar icra olunub.
#Özbəkistan teqi istifadə olunub
- "Məktəbə oxumağa gedirik, uşaqda da günah var" | Şagirdin telefonunu mismarlayan direktorun sonu
- Özbəkistanın nəhəng mədəniyyət layihəsi | Ağ Evdən 7 dəfə böyükdür
- "Bu mübarizədə sağ qalmaq üçün türk dünyası bir araya gəlməlidir" | Suvon Meli
- İlham Əliyevin Özbəkistana səfəri başa çatıb
- İlham Əliyevin Özbəkistan səfərindən görüntülər
