Əməl edilməyən qanun | Məmurlar gəlirlərini niyə bəyan etmirlər?

Ölkə qanunvericiliyinə əsasən, vəzifəli şəxslər gəlirlərini bəyan etməlidirlər.

Lakin çoxlarının "Gəlir deklarasiyası" kimi tanıdığı qanunun 2005-ci ildə qəbul edilməsinə baxmayaraq, hələ də tətbiq edilmir.

Maraqlıdır, qanuna niyə əməl edilmir?

Millət vəkili Vüqar Bayramov hesab edir ki, bu istiqamətdə yeni mexanizm hazırlanmalı və gəlirlərin bəyan edilməsi sistemi həyata keçirilməlidir:

“Birinci mərhələdə vəzifəli şəxslərin gəlirlərinin deklarasiyasının qanunvericiliyin tələblərinə uyğun olaraq reallaşması mümkündür. Bu bir tərəfdən həm şəffaflığın gücləndirilməsi, həm də islahatların dərinləşməsi aspektindən prioritet məqamlardandır”.

Hüquqşünas Əkrəm Həsənov isə deyib ki, qanuna görə, vəzifəli şəxslərin özləri ilə yanaşı, onların birgə yaşadığı şəxslər də gəlir bəyannaməsi verməlidir. Hüquqşünas bildirib ki, 2023-cü ildə öz təşəbbüsü ilə gəlir bəyannaməsinin formasını hazırlayaraq Nazirlər Kabinetinə göndərsə də, qurumdan ona hər hansı bir cavab verilməyib.