Maaşlar hansı tarixdən artacaq?

2024-cü il Azərbaycanda orta aylıq əməkhaqqı 980 manat olacaq.

Bu barədə məlumat “2024-cü ilin dövlət büdcəsi haqqında” qanun layihəsində yer alıb.

Qeyd edək ki, 2023-cü ildə orta aylıq əməkhaqqının 930 manat təşkil edəcəyi gözlənilir. 2024-cü ildə minimum əməkhaqqında isə dəyişiklik gözlənilmir. Hesablama Palatasının müvafiq qanun layihəsinə verdiyi rəydə bu göstəricinin 345 manat olacağı bildirilib ki, bu da 2023-cü ildəki ilə eynidir.

Bundan əlavə, qanunvericiliyə ediləcəyi gözlənilən dəyişikliklə 2024-cü ildə yaşayış minimumu və ehtiyac meyarının həddi 10 faizə yaxın artırılaraq 270 manat olacaq. Bu göstəricilər 2023-cü ildə 246 manat təşkil edir.