Maliyyə naziri işğaldan azad olunmuş ərazilərin yenidən qurulmasından danışdı

“İşğaldan azad olunmuş ərazilərin yenidən qurulması və bərpası üçün 2023-cü ilin dövlət büdcəsindən cəm olaraq 5,582 milyard manat vəsait ayrılıb”.

Bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin mayın 23-də keçirilən iclasında "2023-cü il dövlət büdcəsinin icrası haqqında" qanun layihəsinin müzakirəsi zamanı bildirib.

“Bu vəsaitin 5,246 milyard manatı və yaxud 94 faizi infrastruktur, 107 milyon manatı müdafiə və mühafizə, 60 milyon manatı sosial təyinatlı layihələrin, 110 milyon manatı ərazilərin minalardan təmizlənməsi işlərinin, 59 milyon manatı isə digər tədbirlərin maliyyə təminatına yönəldilmişdir”, – o qeyd edib.