Mərkəzi Bankdan inflyasiya ilə bağlı proqnoz

İnflyasiyanın əsas struktur komponenti olan ərzaq məhsullarının inflyasiyası 16.8 % olmaqla yüksək olaraq qalır.

Bu barədə Mərkəzi Bankın sədri Taleh Kazımov məlumat verib.

Onun sözlərinə görə, qeyri-ərzaq malları və xidmətlər üzrə qiymət artımı müvafiq olaraq illik əsasda 11.6 % və 10.8 % təşkil edir. İstehsalçı qiymətləri və idxal qiymətləri indekslərinin artım templəri ikirəqəmli səviyyədə qalır: “Belə ki, mart ayında illik artım kənd təsərrüfatı istehsalçı qiymətləri indeksi üzrə 12.7 % olub. Cari ilin fevral ayında illik idxal qiymətlərinin artımı 20.4% təşkil edir”.

Taleh Kazımov bildirib ki, 2023-cü ilin 3 ayında əhalinin nominal gəlirləri 15.2 % artıb.