Pleyeri seçin:
Mütəxəssisdən ifşa: banklar niyə kredit kartlarını pulsuz verir?
Son illər bankların əhaliyə kredit kartlarını təmənnasız paylaması geniş yayılıb.
Təklif olunan kartlar vasitəsilə banklarla partnyor olan şirkətlərin məhsullarını faizsiz kreditlə almaq mümkündür. Həmçinin digər güzəştlər də əldə etmək olur.
Maraqlıdır, bəs bu kartlar niyə pulsuz verilir? Bankların burada marağı nədir?
Ekspert Rəşad Həsənov məsələ ilə bağlı bildirib ki, banklar heç kimə heç nəyi təmənnasız vermir: “Bu kartlar hazırlanarkən alqoritmlər vəsaitlərin kreditə çevrilməsi ehtimalları üzərində qurulur. Götürülən taksit kartları üzrə çəkilən vəsaitlərin böyük əksəriyyəti qısa müddət sonra kreditə çevrilir və onlara ciddi faizlər tətbiq olunur”.
Ekspertin fikrindən belə anlaşılır ki, sözügedən kartlar nə sahibkar, nə də müştəri üçün üstünlükdür. Burada da qazanan yalnız banklardır. Yəni dolayı yolla tətbiq edilən faizləri yenə də əhali ödəyir.
Kopyalandı
Seçilmişlər
