"2026-cı ildə Azərbaycana gələn əcnəbilərin sayı 4 milyona çatacaq"

"Azərbaycana gələn xarici turistlərin sayının 2026-cı ilədək 4 milyona, yerli turistlərin sayının isə 6 milyona çatdırılması planlaşdırılır".

Bunu Dövlət Turizm Agentliyinin (DTA) sədri Fuad Nağıyev Azərbaycan Turizm Agentlikləri Assosiasiyasının (ATAA) bir illik fəaliyyətinə həsr edilmiş hesabat tədbirində çıxışı zamanı deyib.

Onun sözlərinə görə, qarşıdakı 4 ildə ümumi daxili məhsulda (ÜDM) turizm sektorunun payının 2019-cu ilə nisbətən 1,5 dəfə artırılması gözlənilir:

"Ümumilikdə isə hər il ÜDM-də turizm sektorunun payını 20 % artırmağı düşünürük. Həmçinin turistlərin xərcləmələrinin də artaraq 10 milyard manata çatdırılması planlaşdırılır”.