"Bizdən Biznesə" startapının qalibləri bəlli oldu | Müsabiqə nələrlə yadda qaldı? - Baku TV

Azərbaycanda startap ekosisteminin inkişafına yönələn növbəti müsabiqə yekunlaşıb.

Kiçik və Orta Biznesin İnkişafı Agentliyinin (KOBİA) dəstəyi ilə keçirilən “Bizdən Biznesə” startap müsabiqəsinin qalibləri elan olunub. İnnovativ ideyaları ilə seçilən şəxslər maliyyə və mentor dəstəyi qazanaraq öz bizneslərini qurmaq üçün yeni imkanlar əldə ediblər.

KOBİA-nın İdarə Heyətinin sədri Orxan Məmmədov çıxışında ölkəmizdə startap ekosistemi, yeni biznes ideyaların və innovativ layihələrin reallaşdırılmasına dövlət dəstəyi tədbirləri və güzəştlər, eləcə də bu sahədə dövlət-özəl əməkdaşlığı, özəl sektorun startaplara dəstəyi barədə fikirlərini bölüşüb.

2025-ci ilin 15 oktyabr tarixində elan olunan müsabiqəyə 1 ay ərzində 500-dən artıq müraciət daxil olub. Münsiflər heyəti tərəfindən daxil olan layihələr arasında innovasiya, kreativlik, davamlılıq və gəlirlilik kimi meyarlara cavab verən 20 layihə seçilib. İkinci mərhələdə isə 10 layihə finala çıxıb. 1-ci yerin sahibinə 25 000 AZN, 2-ci yerin sahibinə 20 000 AZN, 3-cü yerin sahibinə isə 15 000 AZN dəyərində mükafat verilib.