İqtisadiyyat
Pleyeri seçin:
Rövşən Nəcəf qazaxıstanlı həmkarı ilə görüşdü: müzakirə mövzusu açıqlandı
Azərbaycan Dövlət Neft Şirkətinin prezidenti Rövşən Nəcəf Qazaxıstanın “KazMunayGaz” Milli Şirkətinin İdarə Heyətinin sədri Maqzum Mirzaqaliyevlə görüşüb.
Görüşdə iki ölkə arasında qarşılıqlı münasibətlərin bütün istiqamətlərdə, o cümlədən enerji sahəsində uğurla inkişaf etdiyi məmnunluqla qeyd olunub.
Bu xüsusda SOCAR-la “KazMunayGaz” arasında əməkdaşlıq əlaqələrinin genişləndirilməsi üçün böyük potensialın olduğu bildirilib. 2023-cü ilin oktyabrında tərəflər arasında imzalanan yol xəritəsinin müxtəlif istiqamətlərdə tərəfdaşlıq əlaqələrinin inkişafına təkan verəcəyinə əminlik ifadə olunub.
Görüş çərçivəsində xam neft və neft-kimya məhsullarının təchizatı, rəqəmsallaşma, neft-qaz sənayesində dayanıqlılıq və qarşılıqlı maraq doğuran digər məsələlər ətrafında fikir mübadiləsi aparılıb.
Kopyalandı
Seçilmişlər
