Salyanda 71 yaşlı yarımstansiya yenidən qurulur

71 il əvvəl tikilən və artıq istismar müddəti başa çatan 110/35/6 kilovoltluq “Salyan” yarımstaniyası “AzərEnerji” tərəfindən yenidən qurulur.

Sistem əhəmiyyətli “Salyan” yarımstansiyası Salyan, Neftçala və Biləsuvar rayonlarının böyük hissəsini elektrik enerjisi ilə təmin edir.

Yarımstansiyada 110 kilovoltluq Açıq Paylayıcı Qurğu yenidən qurulur, ərazidə yeni rəqəmsal İdarəetmə Mərkəzi tikilir. Yerli SCADA, müasir mikroprosessor tipli rəqəmsal idarəetmə, mühafizə və avtomatika sistemləri, sabit və dəyişən cərəyan qurğuları ilə təchiz olunanan İdarəetmə Mərkəzində 35 və 6 kilovoltluq Qapalı Paylayıcı Qurğularda ehtiyat yuvalar yaradılır.