Samir Şərifovdan vacib büdcə açıqlaması

Azərbaycanın 2023-cü il üzrə dövlət büdcəsində “Azeri Light” markalı neftin bir barelinin qiyməti 50 ABŞ dollarından 60 ABŞ dollarına qaldırılır.

Bu barədə maliyyə naziri Samir Şərifov Milli Məclisin İqtisadi siyasət, sənaye və sahibkarlıq və Əmək və sosial siyasət komitələrinin birgə keçirilən iclasında “Azərbaycan Respublikasının 2023-cü il dövlət büdcəsi haqqında” Qanuna dəyişiklikləri təqdim edərkən bildirib.

Nazir qeyd edib ki, yenidən baxılan dövlət büdcəsinə əsasən, neftin bir barelinin orta ixrac qiymətinin 60 ABŞ dolları götürülməsi ilk baxışdan riskli görünsə də, realdır.