Pleyeri seçin:
Şerzod Xocayev sentyabrda Azərbaycanla hansı məsələləri müzakirə edəcək? - Baku TV
Sentyabrın ilk ongünlüyündə Özbəkistanın energetika naziri Şerzod Xocayevin rəhbərlik etdiyi nümayəndə heyətinin Azərbaycana səfəri gözlənilir.
“Report”un xarici mediaya istinadən məlumatına görə, səfər çərçivəsində Azərbaycanın Energetika Nazirliyi və Azərbaycan Dövlət Neft Şirkəti (SOCAR) ilə iki dövlət başçısının qarşıya qoyduğu vəzifələrin icrası ilə bağlı danışıqların aparılması planlaşdırılır.
Özbəkistanın Energetika Nazirliyindən bildirilib ki, Azərbaycanla əməkdaşlıq xammal tədarükü, emal, hazır məhsul istehsalı, texnoloji təcrübə mübadiləsi və dayanıqlı logistika zəncirlərinin yaradılmasını əhatə edə bilər.
Vurğulanıb ki, Özbəkistan üçün bu, daxili bazarın təchizat etibarlılığını artırmağa və tədarük mənbələrini şaxələndirməyə, Azərbaycan üçün isə Mərkəzi Asiya bazarında iştirakını genişləndirməyə və uzunmüddətli sənaye kooperasiyasını inkişaf etdirməyə imkan verəcək.
Kopyalandı
Seçilmişlər
