SOCAR-ın Baş ofisində QHT nümayəndələri ilə görüş keçirildi

SOCAR-ın baş ofisində "Vətəndaş cəmiyyəti təsisatları ilə işin təşkili" mövzusunda tədbir keçirilib.

Tədbirdə əvvəlcə qeyri-hökumət təşkilatlarının nümayəndələri "Heydər Əliyev və neft strategiyası" və "Azərbaycan nefti" sərgiləri ilə tanış olublar.

Daha sonra şirkətin Sosial Məsuliyyət Departamentinin Tərəfdaşlarla iş şöbəsinin rəisi Teymur Süleymanzadə 2025-ci il ərzində vətəndaş cəmiyyəti institutları ilə əməkdaşlığın gücləndirilməsi üçün SOCAR tərəfindən görülən işlər barədə ətraflı məlumat verib.

Eyni zamanda SOCAR-ın İstedadların idarə edilməsi və biznes tərəfdaşlığı Departamentinin rəis müavini Mahal Mehdiyev qurumda işə qəbul prosesində şəffaflığın təmin edilməsi istiqamətində həyata keçirilən tədbirlərdən bəhs edib.

Tədbirdə həmçinin SOCAR-ın Uyğunluq Departamentinin Biznes etikası və antikorrupsiya şöbəsinin böyük hüquq məsləhətçisi Lalə Babayeva SOCAR-da daxili nəzarət mexanizmləri, o cümlədən pozuntular haqqında məlumatlandırma kanalları və işçilərin bu sahədə maarifləndirilməsi üçün keçirilən təlimlərlə bağlı təqdimatla çıxış edib.

Sonda qeyri-hökumət təşkilatlarının nümayəndələrini maraqlandıran suallar cavablandırılıb.