SOCAR Qazaxıstan, Rusiya və Özbəkistan şirkətləri ilə dördtərəfli və ikitərəfli sənəd imzaladı

SOCAR-ın təşkilatçılığı ilə “Enerji sahəsində rəqəmsallaşdırma, sənaye təhlükəsizliyi və satınalmalar” mövzusunda beynəlxalq konfrans keçirilib.

Konfransda SOCAR-ın prezidenti Rövşən Nəcəf, Qazaxıstanın “KazMunayQaz” şirkətinin İdarə Heyətinin sədri Asxat Xasenov, Rusiyanın “Tatneft” şirkətinin baş direktoru Nail Maqanov və Özbəkistanın “Uzbeknefteqaz” şirkətinin İdarə Heyətinin sədri Baxodirjon Sidikov çıxış edib.

Daha sonra SOCAR, “KazMunayQaz”, “Tatneft” və “Uzbeknefteqaz” şirkətləri arasında dördtərəfli və ikitərəfli sənədlərin imzalanması mərasimi baş tutub.

Konfrans çərçivəsində “Yeni standartların işlənilməsi və neft-qaz sənayesində tətbiqi”, “Fövqəladə halların aradan qaldırılması üzrə müasir yanaşmalar və birgə reaksiya qruplarının əhəmiyyəti” kimi mövzularda panel müzakirələri aparılıb.