SOCAR "Honeywell" şirkəti ilə mühüm əməkdaşlıq sazişi imzaladı

SOCAR və ABŞ-nin “Honeywell” şirkəti arasında regionun enerji sənayesinin avtomatlaşdırılması və enerji keçidinin inkişafı məqsədilə Əməkdaşlıq Sazişi imzalanıb.

Sənəd SOCAR-ın prezidenti Rövşən Nəcəf və “Honeywell” baş icraçı direktoru Anant Maheşvarinin rəhbərlik etdiyi nümayəndə heyəti ilə keçirilən görüşdə imzalanıb.

Söhbət zamanı iki şirkət arasında uzunmüddətli və səmərəli əməkdaşlıqdan, bu xüsusda STAR neft emalı zavodunun inşası, Heydər Əliyev adına neft emalı zavodunun modernləşdirilməsi layihələrində birgə fəaliyyətdən məmnunluq ifadə edilib.