SOCAR Somalidə axtarış-kəşfiyyat və treydinq istiqamətlərini araşdırır
SOCAR Somali ilə enerji sektorunun müxtəlif istiqamətlərində mümkün əməkdaşlığı araşdırır.
Dövlət Neft Şirkətindən verilən məlumata görə, bu məsələ SOCAR-ın prezidenti Rövşən Nəcəf və Somalinin neft və mineral sərvətlər naziri Dahir Shire Mohamed arasında görüşdə müzakirə olunub.
Danışıqlar zamanı bu il fevralın 12-də Azərbaycan Prezidenti İlham Əliyevlə Somali Prezidenti Hasan Şeyx Mahmud arasında keçirilən yüksəksəviyyəli görüşlərin ölkələrimiz arasında müxtəlif istiqamətlərdə, o cümlədən enerji sektorunda əməkdaşlıq üçün əlverişli zəmin yaratdığı xüsusi vurğulanıb.
Görüşdə Somalidə neft-qaz sahəsində insan kapitalının inkişafı məqsədilə somalili tələbələrin Bakı Ali Neft Məktəbində təhsil almaları, somalili mütəxəssislərin neft-qaz sahəsində bilik və təcrübələrinin artırılması üçün əməkdaşlıq imkanları nəzərdən keçirilib.
Görüşdə həmçinin enerji sektorunun müxtəlif istiqamətlərində, o cümlədən axtarış-kəşfiyyat və treydinq istiqamətlərində mümkün əməkdaşlığın araşdırılması və qarşılıqlı maraq doğuran digər məsələlər müzakirə olunub.
#SOCAR teqi istifadə olunub
- SOCAR gənc media nümayəndələri üçün sessiya təşkil etdi | Hansı məlumatlar verildi? - Baku TV
- Mövzu "Ağıllı şəhərsalma və sənaye həlləri"ni əhatə edəcək - Baku TV
- Ali təhsil müəssisəsinin fəaliyyəti ilə yaxından tanışlıq olub - Baku TV
- SOCAR Dübəndidə neft çirklənməsinin səbəbini açıqladı - Baku TV
- "Layihə xüsusiyyətlərinə uyğun maliyyə həlləri təklif ediləcək" | Rövşən Nəcəf - Baku TV
