SOCAR və "Eni" arasında potensial layihələr müzakirə edilib - Baku TV
SOCAR və İtaliyanın "Eni" şirkəti gələcək əməkdaşlığın mümkün istiqamətlərini müzakirə edib.
Bu barədə SOCAR-ın prezidenti Rövşən Nəcəf sosial şəbəkə hesabında məlumat verib.
Bildirib ki, bununla bağlı müzakirələr “Dünya İqtisadi Forumu 2026” çərçivəsində keçirilən görüşdə aparılıb.
Rövşən Nəcəf vurğulayıb ki, "Eni"nin baş direktoru Klaudio Deskaltsi ilə görüş məhsuldar olub. Bununla da qurumlar arasında tərəfdaşlığın möhkəmliyi və strateji enerji təşəbbüslərinin irəlilədilməsinə dair ümumi öhdəlik təsdiqlənib.
Görüş zamanı həmçinin SOCAR və "Eni" arasında imzalanmış anlaşma memorandumlarından irəli gələn potensial layihələr müzakirə olunub.
Bundan əlavə, görüşdə enerji təhlükəsizliyinə, tullantıların azaldılmasına və bioyanacağın istehsalına diqqət yetirilib.
SOCAR-ın prezidentinin sözlərinə görə, bu əməkdaşlıq Avropanın enerji təhlükəsizliyinin möhkəmləndirilməsi, istixana qazı emissiyalarının azaldılması, həmçinin Azərbaycanda və daha geniş regionda bərpa olunan enerji sahəsinin inkişafı üçün mühüm addımdır.
#SOCAR teqi istifadə olunub
- Azərbaycanın bu ölkələrə qaz satışına başlamasının önəmini nə təşkil edir? - Baku TV
- SOCAR-la ABŞ-nin "Honeywell" şirkəti arasındakı görüşün detalları - Baku TV
- SOCAR və ABŞ-nin "Planet Labs PBC" şirkəti arasındakı görüşdə nələr müzakirə olundu? - Baku TV
- İlham Əliyev Davosda "J.P. Morgan" şirkətinin sədri və baş icraçı direktoru ilə görüşdü - Baku TV
- Qaz ixracında mühüm mərhələ | Neçə ölkə Azərbaycandan qaz alır? - Baku TV
