Alen Simonyandan vacib açıqlama | Ölkəyə 3 qüvvələrin daxil olması...

“Ermənistanın Azərbaycanın ərazi bütövlüyünü tanımamalı və gələcəkdə də bu addımı atmamalı olduğunu bəyan edən siyasi qüvvələr əslində İrəvanın ərazi bütövlüyünün tanınması ilə razılaşmadıqlarını deyirlər”.

Bu barədə Ermənistan parlamentinin sədri Alen Simonyan sosial şəbəkə hesabında yazıb.

“Ermənistanın ən azı 2 qonşusu ilə əbədi müharibə vəziyyətində olmalı olduğunu deyənlər, respublikanı beynəlxalq hüquq çərçivəsindən kənara çıxarır. Beləliklə, onu bütün mümkün sülh danışıqlarının bir hissəsi olmaq imkanından da məhrum edir”, – deyə A.Simonyan bildirib.

Onun sözlərinə görə, bu düşüncə ölkəyə üçüncü qüvvələrin daxil olmasına, Ermənistanın müstəqilliyinin və dövlətçiliyinin ləğvinə yol aça bilər.

“Ermənistan 4 ölkə ilə qonşudur və onlarla olan dörd sərhəddən birini tanımamaqla, əslində, öz mövcudluğunu tanımamış olur”, – deyə spiker qeyd edib.

A.Simonyanın fikrincə, belə hərəkətlər beşinci kolon və düşmənlər üçün xarakterikdir.

“Yeri gəlmişkən, Ermənistan hakimiyyəti heç vaxt Azərbaycanın ərazi bütövlüyünü tanımadığını bəyan etməyib”, – deyə Ermənistan rəsmisi bildirib.