Azərbaycan dünyanın ən yüksək antiterror reytinqində

Azərbaycan dövlətlərin terror təhlükəsinə görə sıralamada ən təhlükəsiz ölkələrdən biri kimi yüksək reytinqə sahiblənib. Bu, “Global Terrorism Index 2024”ün hesabatında əks olunub.

Siyahının ilk pilləsində Burkina Faso, 2-ci yerdə İsrail qərarlaşarkən, 5-ci yerə Suriya, 6-cı yerə isə Əfqanıstan daxil edilib. Qeyd olunan sıralamada “0” indekslə sonuncu – 89-cu yerdə isə Azərbaycan, Danimarka, Finlandiya, Qətər kimi ölkələr qərarlaşıb.

Ərazisində terrorçuluq fəaliyyəti və terror təhlükəsi ən yüksək olan ölkələr arasında İran 26, Türkiyə 29, ABŞ 30, Rusiya 35, Fransa 38, Ermənistan isə 76-cı yerdə sıralanıb.

Qeyd edək ki, “Global Terrorism Index” reytinq sıralanması indeksləri terror hadisələri, ölümlər, ağır nəticələr, girovlar, terrorçuluqla mübarizə, terrorçuluğun araşdırılması effektivliyi və digər çoxsaylı göstəricilər üzrə qəbul edilən mürəkkəb hesablamalara əsaslanır.