Azərbaycan neçə elektrikli avtobus alıb? | Prezident rəqəmləri açıqladı

“Azərbaycanın imzaladığı və icra fazasında olan müqavilələr bizə 2030-cu ilə qədər 6 500 meqavat bərpa olunan enerji verəcək”.

Bunu Prezident İlham Əliyev Pekində Çinin CGTN (China Global Television Network) telekanalına müsahibəsində bildirib.

“Azərbaycanın ümumi quraşdırılmış gücü 8 min meqavat təşkil edir. Beləliklə, 5 ildən sonra demək olar ki, elektrik enerjisinin bugünkü tutumunu iki dəfə artırmış olacağıq – 6 min meqavat Günəş və külək elektrik enerjisindən əldə olunacaq, 500 meqavat hidroelektrik stansiyalarından gələcək. Bu bizim üçün həlledici olacaq. Çünki elektrik enerjisini istehsal etmək üçün əsasən təbii qazdan istifadə etməyi dayandıracağıq. Təbii qazı beynəlxalq bazarlara ixrac edəcək və əlbəttə ki, çoxlu mənfəət əldə edəcəyik”, – deyə dövlət başçısı qeyd edib.