Azərbaycanda fəaliyyət göstərən dini konfessiya rəhbərləri İlham Əliyevə müraciət ünvanlayıblar

Azərbaycanda fəaliyyət göstərən dini konfessiyaların rəhbərləri Prezident İlham Əliyevə müraciət ünvanlayıblar.

Müraciətdə deyilir:

“Möhtərəm cənab Prezident, sizin dünyanın lider ölkəsində yüksək səviyyədə qəbulunuz zamanı imzalanmış sənədlərin dəyər və mahiyyəti onun tarixi əhəmiyyətini müəyyən edir.

Azərbaycana qarşı qərəz nümunəsi olan 907-ci düzəlişin ABŞ Prezidenti Donald Tramp tərəfindən sizin iştirakınızla nümayişkaranə şəkildə aradan qaldırılması sizə olan ehtiram və etimadın təcəssümü, sizin şəxsinizdə Azərbaycan dövlətinə edilən mühüm jest oldu.

Azərbaycanın dövlət başçısı olaraq hər zaman bölgədə sülh, əmin-amanlıq, iqtisadi tərəqqi və əməkdaşlıq ideyalarına sadiqliyiniz, bu istiqamətdə dəyərli səyləriniz, mükəmməl siyasi xəttiniz öz bəhrəsini verir.

Əmin ola bilərsiniz ki, Azərbaycanın din xadimləri, bütün dindarlar hər zaman yanınızdadırlar, müdrik daxili və xarici siyasətinizi dəstəkləyirlər və duaları həmişə sizinlədir”.