Siyasət
Pleyeri seçin:
Azərbaycanın dəstəyi ilə tikilən evlər sahiblərinə təqdim olunacaq
"2023-cü ilin fevralın 6-da Türkiyədə baş vermiş zəlzələdə bir çox ölkə yardım əlini uzadarkən ən böyük dəstək Azərbaycandan gəlib".
Bu barədə "Haber Global" telekanalının zəlzələdən zərər görmüş Kahramanmaraşda Azərbaycanın köməyi ilə tikilən evlərlə bağlı süjetində deyilir.
Bildirilir ki, Kahramanmaraşda Azərbaycan xalqının dəstəyi ilə tikilən 1 213 mənzilin inşaatı başa çatıb və mənzillərin açarları yaxın günlərdə sahiblərinə veriləcək.
Qeyd edilir ki, Kahramanmaraş şəhərində salınan "Azərbaycan məhəlləsi"ndə işlərin 90 faizi tamamlanıb. Məhəllədəki binalara su və elektrik enerjisinin verilişi təmin edilib. Bundan başqa, 1318 dükan və 464 ofisin inşası başa çatmaq üzrədir.
Kopyalandı
Seçilmişlər
