Azərbaycanlı jurnalistlərin sualları Makronu çaşbaş qoydu

M Fransa Prezidenti Emmanuel Makron Azərbaycan jurnalistlərinin qarşısında aciz qalıb.

Jurnalistlərimizdən birinin “Fransa Ermənistana nə üçün hücum silahları satır? Əgər sülh prosesindən danışırıqsa, Fransa Ermənistana niyə hücum silahları satır?” sualına E.Makron özünəməxsus qərəzlə, vəziyyəti təhrif etməklə cavab verməyə çalışıb.

O, guya Azərbaycanın Ermənistana hücum etməyə hazırlaşdığını iddia etmək istəyib. Hətta 2020-ci ildə Azərbaycanın Ermənistana hücum etdiyini söyləyib. Bu zaman digər jurnalistimiz onun sözünü kəsərək “Beynəlxalq hüquq da bunu sübut etdi ki, Ermənistan Azərbaycan torpaqlarını işğal edib, siz nə danışırsınızz?” müdaxiləsini edib.

Başqa həmkarımız isə mikrafonu götürərək Makronun üzünə “Beynəlxalq həqiqətlər var, beynəlxalq faktlar və beynəlxalq hüquq var. Bütün dünya görüb ki, Ermənistan işğalçı dövlətdir. Azərbaycan isə sadəcə tarixi ədaləti bərpa edib” sözlərini deyib.

Gözlənilməz müdaxilədən özünü itirən E.Makron isə bura debata gəlmədiyini deyərək vəziyyətdən çıxmağa çalışıb. Ancaq onun əsaslı arqumentlər qarşısında aciz qaldığı gözlərdən qaçmayıb. Hətta E.Makron digər ölkələrdən olan jurnalistlərin fərqli suallarına belə məyus, pərt və dağınıq cavablar verərək azərbaycanlı jurnalistlərin az öncəki sərt reaksiyalarının təsirində olduğunu bəlli edib.

Qeyd edək ki, sözügedən hadisə “Avropa Siyasi Birliyi”nin 4-cü sammiti çərçivəsində Fransa Prezidenti Emanuel Makronun mətbuat konfransında baş verib.