“Bakı düzgün yoldadır, bizim müxalifət kimi düşünmür” | Şalva Papuaşvili

“Ermənistan və Azərbaycan arasında sülh sazişi əldə edildikdən sonra gələcəyə baxmalı və regionun birgə məkan kimi inkişafını düşünməliyik”.

Bunu Gürcüstan parlamentinin spikeri Şalva Papuaşvili jurnalistlərə deyib.

Spikerin sözlərinə görə, Ermənistan və Azərbaycan düzgün siyasət aparır, öz xalqlarının rifahı naminə hər kəslə əməkdaşlıq etməyə çalışır:

“İkitərəfli münasibətlər və regiondakı dinamika vacibdir. Ermənistan və Azərbaycan arasında sülh sazişi əldə edildikdən sonra gələcəyə baxmalı və regionun birgə məkan kimi inkişafını düşünməliyik. Hər birimiz bir-birimizi gücləndirməliyik ki, hər bir ölkə üçün vacib olan işlərdə həm Azərbaycan, həm Ermənistan, həm də Gürcüstan üçün uğur qazanaq. Bu, ölkəmizin suverenliyinin gücləndirilməsi və əhalinin rifahının artırılması deməkdir.

Artıq görürük ki, Ermənistan və Azərbaycan düzgün siyasət aparır, öz xalqlarının xeyri üçün hər kəslə əməkdaşlıq etməyə çalışır. Onlar bizim müxalifət kimi düşünmürlər, bizim xaricdən idarə olunan müxalifət düşünür ki, bütün istiqamətlərə baxmalı və yalnız Brüsselin göstərişlərini gözləməlisən”.