Bütün şərait yaradılmışdı ki... | ŞƏT müşahidəçilərindən vacib açıqlamalar

“Seçki günü və ondan əvvəl missiyamız Bakı və ətraf ərazilərdə 57 seçki məntəqəsində müşahidə missiyası həyata keçirdi”.

Bu barədə Şanxay Əməkdaşlıq Təşkilatının (ŞƏT) müşahidəçi missiyasının rəhbəri Nuran Niyazaliyev mətbuat konfransında bildirib.

Onun sözlərinə görə, müşahidəçilər heç bir pozuntu, vətəndaşlara maneə, kənar müdaxilə və ya seçki komissiyalarının üzvlərinə təzyiq faktları aşkar etməyiblər.

“Missiya seçkiləri şəffaf, etibarlı və demokratik sayır”, – missiyanın rəhbəri bildirib.

N.Niyazəliyev vurğulayıb ki, səsvermə yerli, ictimai və beynəlxalq müşahidəçilərin, eləcə də KİV nümayəndələrinin iştirakı ilə sakit şəraitdə keçib.