Pleyeri seçin:
Ceyhun Bayramovla Məhəmməd İshaq Dar danışıq zamanı vacib müzakirələrə toxundu
Azərbaycan və Pakistan arasında strateji əməkdaşlıq əlaqələrinin cari vəziyyəti, perspektivləri, eləcə də regional təhlükəsizlik məsələləri müzakirə edilib.
Müzakirələr Azərbaycan xarici işlər naziri Ceyhun Bayramov və Pakistan xarici işlər naziri Məhəmməd İshaq Darın telefon danışığı zamanı aparılıb.
Bu barədə Azərbaycan Xarici İşlər Nazirliyi məlumat yayıb.
İki ölkənin liderləri arasında yüksək səviyyəli təmaslar, əldə olunan razılıqların icrası məsələləri, iqtisadi, ticarət, investisiya, enerji təhlükəsizliyi, nəqliyyat və digər qarşılıqlı maraq doğuran sahələr üzrə tərəfdaşlıq istiqamətləri nəzərdən keçirilib.
Telefon danışığı zamanı Məhəmməd İshaq Dar Pakistanla Hindistan arasında yaranmış gərginlik barədə məlumat verib. Nazir Ceyhun Bayramov öz növbəsində gərginliyin diplomatik yolla və danışıqlar vasitəsilə aradan qaldırılacağına ümidvar olduğunu bildirib.
Kopyalandı
#Xarici İşlər Nazirliyi teqi istifadə olunub
Seçilmişlər
