COP29-da gender bərabərliyi müzakirə olundu | İlin sonuna qədər mütləq...

“Bu gün gender bərabərliyi uğrunda apardığımız mübarizə dünyanın ədalətli gələcəyi üçündür. İqlim problemləri milyonlarla insanı aclıq vəziyyətində yaşamağa məcbur edir. Bundan daha çox qadınlar və gənc qızlar əziyyət çəkirlər”.

Bunu COP29-un Prezidenti, Azərbaycanın ekologiya və təbii sərvətlər naziri Muxtar Babayev "Şəffaflıqda Gender" mövzusunda yüksək səviyyəli tədbirdə deyib.

O bəyan edib ki, Paris İqlim Sazişi əsasında müəyyən edilmiş çərçivə bizə gender hesabatlılığı ilə bağlı geniş imkanlar açır.

“Gender bərabərliyi təkcə fundamental insan hüququ deyil, həm də iqlim bərabərliyinin təməl daşıdır. Bu mövzuda qadınlar və gənc qızlar xüsusilə həssas vəziyyətdədir. Biz qadınların cəmiyyətdə rolunun artırılmasını vacib sayırıq. Bu məqsədlə Lima İş Çərçivəsini tərtib edib burada çoxsaylı tədbirlər keçirməyi planlaşdırırıq”, – deyə nazir əlavə edib.