Əli Əsədov Özbəkistanda | Baş nazirlər “Texnopark”ın fəaliyyəti ilə tanış oldular
Baş nazir Əli Əsədov Özbəkistana səfər edib.
Azərbaycanın hökumət başçısı və Özbəkistanın Baş naziri Abdulla Aripov Daşkənddə Heydər Əliyev Meydanında Ümummilli Liderin barelyefini ziyarət edərək Ulu Öndər Heydər Əliyevin xatirəsini ehtiramla yad ediblər.
Əli Əsədov həmçinin özbək həmkarı ilə Daşkənddə “TEXNOPARK” MMC-nin fəaliyyəti ilə tanış olub. Azərbaycanın hökümət başçısına “TEXNOPARK” barədə məlumat verilib.
Qeyd olunub ki, “TEXNOPARK” MMC 2019-cu ildə Özbəkistan Prezidenti Şavkat Mirziyoyevin təşəbbüsü ilə yaranıb. “TEXNOPARK” yüksək texnologiyalı, rəqabətqabiliyyətli, ixracyönümlü və idxalı əvəz edən sənaye məhsullarının istehsalını təmin etmək məqsədilə yaradılıb. Baş nazir Əli Əsədov burada istehsal olunan sənaye, texniki, elektron, inşaat və məişət məhsullarına baxıb.
Bildirilib ki, tərəfdaşları dünyanın aparıcı şirkətləri olan “TEXNOPARK” MMC-nin fəaliyyəti geniş çeşiddə məişət texnikası istehsalı üzrə müəssisələrin, həmçinin yeni iş yerlərinin yaradılmasına yönəlib. Hazırda burada 13 istehsal obyekti fəaliyyət göstərir. “TEXNOPARK” MMC-də 20 sənaye istiqaməti birləşib.
#Əli Əsədov teqi istifadə olunub
- Türkiyənin vitse-prezidentindən Zəngəzur dəhlizi ilə bağlı vacib mesaj - Baku TV
- "Türkiyə Qarabağla bağlı bu təşəbbüsü irəli sürdü" | Əli Əsədov - Baku TV
- Azərbaycan və Türkiyə arasında Birgə Hökumətlərarası Komissiyanın iclası keçirilib
- “Dövriyyəni daha yüksək səviyyəyə qaldırmaq üçün imkanlar var” | Əli Əsədov
- Azərbaycan-Türkiyə iqtisadi əməkdaşlığı Bakıda müzakirə olunacaq - Baku TV
