Əməkdaşlar təxliyə edildi | XİN-dən Los-Ancelesdəki hadisə barədə təcili məlumat

ABŞ-nin Kaliforniya ştatında yanvarın 7-dən başlayan yanğınlar səbəbindən Azərbaycanın Los-Ancelesdəki Baş Konsulluğunun yerləşdiyi binadan əməkdaşlar müvəqqəti olaraq təxliyə edilib.

Bu barədə Xarici İşlər Nazirliyindən məlumat verilib.

Qeyd edilib ki, evakuasiyaya baxmayaraq, distant qaydada Baş Konsulluğun fəaliyyəti davam edir, hadisələrin gedişatı izlənilir və vətəndaşlarla əlaqə kanalları daim açıq saxlanılır.

Yanğınlarla əlaqədar Azərbaycan vətəndaşlarının təhlükəsizliyinin təmin edilməsi məqsədilə Baş Konsulluğun sosial media hesablarında xəbərdarlıq elanı və təcili əlaqə nömrəsi yerləşdirilib.

Həmçinin vətəndaşların yanğınlarla bağlı məlumat əldə etmələri və təhlükəsizlik təlimatı ilə tanış olmaları üçün müvafiq internet səhifəsinə keçid linki paylaşılıb.