Siyasət
Pleyeri seçin:
Ərdoğanın mitinqində 1,7 milyon nəfər iştirak edib
“Mayın 14-də bəzilərini təqaüdə yollayacağıq. Onların kim olduğunu bilərsiniz”.
Bunu Türkiyə Prezidenti Rəcəb Tayyib Ərdoğan İstanbulda keçirilən mitinqdə bildirib. Mitinq boyu seçkilərdəki əsas rəqibi Kamal Kılıçdaroğlunu tənqid edən R.T.Ərdoğan onu terror təşkilatları ilə əlbir olmaqda suçlayıb.
“Bu terror təşkilatları ilə bərabər gəzən, dolaşan K.Kılıçdaroğluna vətəni böldürməyəcəyik”, – deyə Türkiyə Prezidenti qeyd edib.
Eyni zamanda 2019-cu ildə İstanbulun meri seçilən Ekrem İmamoğlundan bəhs edən R.T.Ərdoğan ona 2024-cü ildə baş tutacaq növbəti bələdiyyə seçkilərində lazımi dərsin verilməsinə işarə edib.
Qeyd edək ki, R.T.Ərdoğanın iştirakı ilə Atatürk Hava Limanı Millət Bağçasında Böyük İstanbul Mitinqi keçirilib. Rəsmi məlumata görə, mitinqə 1 milyon 700 min nəfər qatılıb. Mitinq keçirilən ərazidə gücləndirilmiş təhlükəsizlik tədbirləri görülüb və mitinqə gedən hər kəs polis əməkdaşları tərəfindən yoxlanılıb.
Kopyalandı
Seçilmişlər
