Pleyeri seçin:
Ermənistanı 85% təsərrüfat məhsulları ilə azərbaycanlılar təmin edirdi | QƏRBİ AZƏRBAYCAN XRONİKASI
“Qərbi Azərbaycan Xronikası” layihəsi çərçivəsində növbəti veriliş efirə gedib.
Verilişin budəfəki qonağı Elm və Təhsil Nazirliyinin İqtisadiyyat İnstitutunun aparıcı elmi işçisi Tanrıverdi Paşa olub.
O, doğulub boya-başa çatdığı Qərbi Azərbaycanın Göyçə mahalından, Çəmbərək rayonunun Ardanış kəndindən söhbət açıb. Bildirib ki, Ardanış Çəmbərək rayonunun ən qədim kəndlərindən biridir. Onun sözlərinə görə, ərazisi 45,5 kvadrat kilometr olan kəndin 1986-cı ildə 2 500 nəfərlik əhalisi yalnız Azərbaycan türklərindən ibarət olub.
Ötən əsrin əvvəlində və ayrı-ayrı vaxtlarda Qərbi Azərbaycanda soydaşlarımıza qarşı tətbiq edilən qətliamlardan, deportasiyalardan söhbət açan T.Paşa bildirib ki, ardanışlılar daşnaklara çox ciddi müqavimət göstəriblər.
Onun sözlərinə görə, 1988-ci il hadisələri zamanı da Ardanış kənd sakinləri Göyçə mahalının digər kəndlərindən olan həmvətənləri ilə birlikdə mitinqlər keçirib, SSRİ rəhbərliyinin biganəliyinə, Ermənistan siyasi rəhbərliyinin ayrı-seçkiliyinə etiraz ediblər.
O, vaxtilə Ermənistanı 85 faiz kənd təsərrüfatı məhsulları ilə azərbaycanlıların təmin etdiyini diqqətə çatdırıb.
Kopyalandı
Seçilmişlər
