Pleyeri seçin:
İrəvanın mərkəzindən video çəkən bloqerə cinayət işi açıldı
Türkiyəli bloger Ogün Özdemirin İrəvanda lentə aldığı videoları paylaşması ilə bağlı Ermənistanda cinayət işi açılıb.
Bu barədə Ermənistan Milli Təhlükəsizlik Xidmətinin rəhbəri Armen Abazyan bildirib.
A.Abazyan ətraflı məlumat verməyib və o, jurnalistə İstintaq Komitəsi ilə əlaqə saxlamağı məsləhət görüb.
Qeyd edək ki, bir neçə gün əvvəl türkiyəli bloger Ogün Özdemir İrəvandakı Respublika meydanından canlı yayımda Azərbaycan xalqını Novruz bayramı münasibətilə təbrik edib və tarixi Azərbaycan torpağında olduğunu bildirib.
Azərbaycanda yaşayan və müəllim kimi çalışan Ogün Özdemir bir müddət əvvəl Gürcüstana, oradan isə Ermənistanın paytaxtına yollanıb. Gənc oğlan səfər zamanı demək olar ki, hər addımını lentə alıb və İrəvanı tarixi torpaqlarımız adlandırıb.
Kopyalandı
Seçilmişlər
