İslam Əməkdaşlıq Təşkilatına üzv ölkə nazirlərinin konfransı başa çatdı

İslam Əməkdaşlıq Təşkilatının Əmək Mərkəzinə daha 10 ölkə qoşula bilər.

Bu barədə əmək və əhalinin sosial müdafiəsi naziri Sahil Babayev İƏT-in Baş katibinin müavini Ahmed Sengando ilə birgə mətbuat konfransı zamanı məlumat verib.

Onun sözlərinə görə, İƏT Əmək Mərkəzinin Nizamnaməsini 16 üzv ölkə imzalayıb: “Daha 10 ölkə mərkəzə qoşulmaq niyyətini bildirib. İƏT Əmək Mərkəzinin Baş Assambleyasına sədrlik Azərbaycana həvalə olunub, müavini isə Səudiyyə Ərəbistanı seçilib”.