Kəndlərin Azərbaycana qaytarılmasına qarşı etirazlar | 31 radikal saxlanıldı
Mayın ikisi Ermənistanın Azərbaycanla sərhəd kəndi olan Kirantsda vəziyyət gərginləşib.
Yerli polis əməkdaşları etiraz aksiyası keçirərək delimitasiya prosesinə mane olan 31 radikalı saxlayıb.
Kənd sakini Rudik Avalyan Ermənistan mətbuatına verdiyi açıqlamada bildirib ki, polis kirantslıları saxlayan zaman kobud şəkildə güc tətbiq edib. O, özünün də vəhşicəsinə döyüldüyünü deyib.
“Polislərin sayı çox idi. 1 nəfərin üzərinə 10 polis gəlirdi. Biz silahsız idik, müqavimət göstərməsəm də, məni vurdular və maşına qədər sürüdülər”, – deyə aksiya iştirakçısı bildirib. R.Avalyan ağır bədən xəsarətləri aldığını iddia edib.
Qeyd edək ki, Azərbaycanla Ermənistan arasında dövlət sərhədinin aprelin 19-da keçirilən delimitasiyası üzrə Dövlət Komissiyası və sərhəd təhlükəsizliyi məsələləri üzrə Komissiyanın səkkizinci görüşündə Qazaxın 4 kəndinin Azərbaycana qaytarılması barədə razılıq əldə edilib. Bundan sonra ölkədə, eləcə də Kirants kəndində etiraz aksiyaları başlayıb.