Minsk qrupunun ləğvi üçün ATƏT-ə müraciət edilməlidir

“Ermənistanın Azərbaycana və Türkiyəyə qarşı əsassız ərazi iddialarına son qoyulmalıdır”.

Bu sözləri Prezident İlham Əliyev TÜRKPA-ya üzv ölkələrin parlament sədrləri ilə keçirilən görüşdə deyib.

Dövlət başçısı Ermənistana Minsk qrupunun ləğvi üçün ATƏT-ə birgə müraciət etməyi təklif etdiyini bildirib.

“Minsk qrupuna heç bir ehtiyac yoxdur, o indi fəaliyyət göstərmir. Biz onun fəaliyyət göstərməsinə imkan verməyəcəyik. Əgər Ermənistan Minsk qrupunun saxlanmasına üstünlük versə, deməli, onların bizə qarşı ərazi iddiaları davam edir”, – Prezident qeyd edib.